Golaha amaanka & Nabadda Africa oo fadhi aan caadi ahayn ku yeeshay Adis ababa ayaa isku raacay in UN la wareegto hawlgalka Somalia

July ,01.2008 (HawiyeNews.com)
 

Fadhi aan caadi aheyn oo ay maanta iskugu yimaadeen Xubnaha golaha amaanka & Nabadgalyada Qaarada Africa ayna ku yeesheen Hoolkooda Magaalada Addis Ababa ee dalka Itoobiya ayaa looga hadlay xaalada Soomaaliya.

Madaxweynaha golahan ee Bishan ayaa ku dhawaaqey in ay goluhu maanta ka wada hadleen xaaladaha amaan ee ka taagan dalalka Soomaaliya & Zimbabwe ayna isku raaceen in Soomaaliya ciidamada jooga ee ka socda Midowga Africa lugu wareejiyo Qaramada Midowbay.

Masuulkan wuxuu sheegay in arintan usameeyeen markii ay arkeen xaaladaha qalafsan ee ka taagan dalka Soomaaliya & Tababar darada heysata Midowga Africa ee dhinaca dhaqaalaha ayna taasi keentay in uu Midowga Africa waxba ka qaban waayo dajinta Xiisadaha Amaan daro ee Soomaaliya.

Goluhu waxa ay si deg deg ah ugu yeereen Laamaha Milateriga ee dawladda Soomaaliya & Khuburo African ah si wax looga weydiiyo ciidamada nabad ilaalintaa ee looga baahan yahay dalka Soomaaliya.

Midowga Africa waxa ay howshan ku tilmaameen talaabo horey loo qaaday ,ayagoo ugu baaqay Soomaalida oo dhan in ay deg deg ku soo dhaweeyeen go'aanka QM ee ay ciidamada ugu dirayso Soomaaliya.

Si kastaba ha ahaatee Fadhigan ay maanta yeesheen Golaha amaanka & Nabadgalyada Qaarada Africa ayaa ku soo beegmaya xili maanta lasoo xirey Shirkii Madaxweynayaasha Africa oo labo maalin ka socdey Dalka Masar.

 

Email: hawiyenews@gmail.com