Ciidamada AMISOM oo diiday in ay Daweeyaan dad rayid oo dagaalkii xlay dhaawac kasoo gaaray..

July ,02.2008 (HawiyeNews.com)

Ciidamada Ugandha ee qeybta ah ciidamada nabad ilaalinta midowga Afrika Amisom ee fariisinkoodu yahay dekeda weyn ee magaalada Muqdisho ayaa la sheegay in fiidnimadii xalay ay dib u soo celiyeen illaa afar ruux oo ku dhaawacmay madfac ku dhacay guri ku yaala degmada X/jajab ee magaalada Muqdisho xili ay dagaalo culus ka dhacayeen qeybo mid ah degmooyinka Hodan iyo Waaberi, ka dib markii ay diideen iney ku daweeyaan isbitaalka ay halkaasi ku leeyihiin.

Dadkan oo ka koobnaa illaa afar ruux oo isugu jiray caruur iyo haween dhaawac ah ayaa la sheegay in dib loogu soo celiyey hoygii uu madfacu kula dhacay iyagoo gaari gacano lagu sido ka dib markii ciidamada Amisom ay dib u soo celiyeen, lana waayey wadooyin loo maro isbitaalada kale ee ku yaala magaalada xiliga oo habeen aheyd iyo dagaalo culus oo soconayey awgood, waxaana dadkaasi qaarkood ay u geeriyoodeen xalay saqdii dhexe dhiig bax ka dhashay dhaawacyadii soo gaaray ka dib markii ay waayeen gargaradii caafimaad ee ay ay baahnaayeen

Dhacdadan ayaa waxa si aad ah uga xumaaday dadweynaha ku dhaqan magaalada Muqdisho gaar ahaan kuwa ku degmada X/jajab oo sheegay in ciidamada Amisom ay u heysteen iney yihiin kuwo ka duwan ciidamada Itoobiya ee ku caan baxay xasuuqa iyo dilka shacabka, waxayna xuseen iney haatan beenowday hadaladi ka soo bixi jtray saraakiisha ciidankaasi oo ahaa iney dalka u yimaadeen iney gagraar u fidinayaan shacabka Soomaaliyeed ee dhibaateysan.
 

Email: hawiyenews@gmail.com