Dagaalkan ayaa waxa uu u dhexeeyay  Ciidamada Ethiopia iyo kuwa dowlada KMG ee dhawaan lagu soo tababaray dalka Ethiopia oo isku dhinac ah  iyo xoogaga Mucaaradka ee ka soo horjeeda dowlada KMG iyo Joogitaanka Ciidamada Itoobiya ee soomaaliya.

dhimashada  iyo dhaawaca soo gaaray dadka rayidka ah ayaa timid kadib markii Ciidamada Itoobiya iyo kuwa dowlada Kmg soomaaliya ee fadhigoodu yahay Warshadii hore ee Baastada ay duqeyn u geysteen Xaafado ay ku nool yihiin dad rayid ah oo ka kala tirsan degmooyinka Yaaqshid iyo Hiliwaa ee Magaalada Muqdisho.

Si kastaba Duqeyntaan ay Ciidamada dowlada KMG  iyo kuwa itoobiya ay u geysteen Xaafadahaan  ay dadka rayidka  deganaayeen ayaa timid kadib markli xoogaga Mucaaradka ay Weeraro Culus ay ku qaadeen Warshadii hore ee Baastada, Xeylla Bariise Xaafada Coca Colla ,inkastoo aan la ogeyn khasaaraha kala gaaray labada dhinac oo ay dirirtu dhex martay.

Ma aha markii ugu horeysay oo ay ciidamada Itoobiya duqeyn ka geystaan Xaafado ay dad rayid ah degan yihiin oo ka mida Magaalada Muqdisho, iyadoo ay ciidamada Itoobiya ay caado ka dhigteen in ay beegsadaan guryaha ay degan yihiin dadka rayid ka ah, kaasi oo aalaaba geysta khasaare naf iyo maalba isugu jira.