Nur Cadde" Madaxweynaha waxaan leenahay waqti kordhin ma jirto".

August ,04.2008 (HawiyeNews.com)

Ra'isulwasaaraha Xukumadda Federalka ayaa dhaleeceeyay siyaasada Madaxweyne Yusuf,wuxuuna ku sheegay mid ku saleeysan xilkasnimo la'aan iyo hanjabaad keli talisnimo.

Korneyl Nuur Cadde oo la hadlay Waagacusub wuxuu tibaaxay in khilaafka u dhaxeeya isaga iyo Korneyl Yusuf uu yahay mid ku saleeysan hanaanka dib u heshiisiinta iyo hindise uu Madaxweyne Yusuf ku doonayo inuu waqtigiisa ku eg Agosto ku suta dheereysto.

"Madaxweynaha waxaanu nahay labo korneyl waan is naqaanaa,waxaan leeyahay anigu waxaan ahay Nuur Cadde,hana ku fikirin inaan kugu taageero qorshahaaga waqti kororsiga ee aad ku saluugsan tahay dib u heshisiinta"ayuu yiri Nuur Cadde oo dhinaca kale xusay inuu dhameystirayo golaha Wasiiradda.

Ra'isulwasaarre Nuur Cadde wuxuu gaashaanka u daruuray wararka sheegaya inuu cabsi darteed kaga degay xilka uu hayo ee Xukumadda.

"Cabdulahi Yusuf waxaan ogolahay inuu yahay Madaxweynaha dowlada laakiin haba yaraatee ma jirto cabsi aan isaga kaga cabsanayo Muqdisho,waxaana ugu baaqeeynaa inuu sharciga iyo nidaamka dowladnimo ilaaliyo,kana fogaado faragelinta uu ku sameeynayo awooda Xukumadda"ayuu ku celceliyay Nuur Cadde.

Korneyl Nuur Cadde wuxuu tilmaamay in golaha Wasiiradda ee uu magacaabay aysan u baahneyn codka baarlamaanka maadama ay yihiin in tira yar oo looga baahan yahay u hogaansamida hufnaan shaqo iyo sharci ilaalinta qaranka.

Email: hawiyenews@gmail.com