Afhayeenka beelaha Hawiye Nabadoon Axmed Diiriye Cali

Afhayeenka dhinaca Siyaasada ee beelaha Hawiye Cabdilaahi Sheekh Xasan.

Gudoomiyaha ururka New S.Y.L Cawaale

Xaflad bandhig faneeda oo si heer sare ah loo soo agaasimay ayaa Xalay lagu qabtay Hutel Empriel ee Magaalada Hargeysa.

Bandhig Faneedkan oo ay ka soo qeybgaleen Abwaano ay ka mid aahaayeen Abwaan Aadan Tarabi,Abwaan Axmed Awgeedi, Abwaan Cabdi Maxamed Aamiin iyo Aqoonyahano, Ajanebi, iyo dadweyne aad u tira badan iyo marti sharaf kale.

 
Agaasimaha Dalada Dhalinyarada Somaliland ee SONYO Mr. Maxamed Axmed Maxamuud [Barawaani] oo halkaasi hadal soo dhaweyn iyo mahad celin ah ka soo jeediyey.

“Waxaan u mahadnaqayaa dhamaan marti sharafta ka soo qeybgashay Xafladan, waxaan kale oo aan ku dhiirigelinaya talaabadan ay qaaday Farduus Siciid Dirir oo dhiirigelin u noqonaysa dhalinyarada Somaliland”ayuu yidhi Barawaani.

 
Abwaan Aadan Tarabi oo ka mida Abwaanada Waaweyn ee reer Somaliland oo Xafladaasi hadal dheer ka soo jeediyey ayaa waxa uu sheegay in haweenku bud-dhig u yihiin Suugaanka Soomaaliyeed,

“Haweenku waxay ahaayeen kuwa tiriya hees hawleedyada, heesaha Xoolaha [Riyaha, Idaha], waxay ahaayeen qaar heeso u tiriya barbaarinta Ubadka, waxa kale oo ay heeso u tiring jireen Haanta, marka laga reebo heesaha Geela oo ay raggu la haayeen, inta kale waxa iska lahaa Haween” ayuu yidhi Abwaan Tarabi.

Isaga oo hadalkiisa sii watana waxa uu intaasi raaciyey oo uu yidhi “Haweenku maanta kaalintoodi wey gabeen, balse waxaan halkan ku soo dhaweynayaa Farduus Siciid dirir oo ay farxad ii tahay talaabadan ay qaaday, waxaan kula dardaarmayaa inay dhaqanka Gabayada ay hal abuureyso ku saleyso”

Waxa iyaduna halkaasi ka hadashay Faadumo Siciid oo ahayd Xubin sharafeed lagu soo marti qaaday Xafladaasi, ayaa waxay halkaasi ku soo dhaweysay dadkii ajaanibka ahaa ee ka soo qeybgalay Munaasibadaasi, iyada oo uga xoog-warantay U jeedada Xaflada loo soo qabanqaabiyey iyo Gabayada ay ku soo bandhigtay Farduus.
 
Faadumo Siciid Waxa kale oo halkaasi ka xustay inay maanta heshay wehel lagala halganka ay haweenka ugu jirto, waxaanay tidhi “In badan ayaa la yidhaahda Faadumo Siciid Waxay u xaglisaa xaga haweenka, waa run oo weliba keli ayaan ku ahaa, laakin maanta waxaan haystaa in badan oo igu daba jirta oo ay kow ka tahay Farduus”.

Farduus Siciid dirir Waxay Xafladaasi ku soo bandhigtay Gabeyo ay ku tirisay luuqada Afka Ingiriisiga, Waxaanay tidhi “Waxaan Gabayada tirintooda ku bilaabay 7 jirkaygii, luuqada Ingiriisiga inaan ku tiriyo waxay igu dhalatay 1997-tii sababta oo ah Ingiriisigu malaha Xaraf-raac oo way ka fudutahay luuqada Af soomaaliga ah”
Inantan oo ah Ardayad Wax ka dhigatada Jaamacada Hargeysa, Waxay Madashaasi ku soo bandhigtay 7 Gabay oo mid ka mid ahi Af Soomaali ahaa, Gabaygaa Soomaaliga ah oo ay ku hab mamuustay Abwaan Hadraawi, Gabeygaasi oo la yidhaahdo Gaashaankii Afrika.

Gabayada ay Farduus ku tirisay luuqada Ingiriisiga Waxay kala ahaayeen waxay gabi ahaantood yihiin 80 gabay laakiin yadoo waxay soo xushay.

7 ka mid ah, 1. Somaliland My Life And My Future, 2). how is life with You, 3). Education, 4). My Sweat Aunty, 5. Life 6). Lonely
 
Waxa Gebagebadii Xaflaasi Ka Hadlay Abwaan Axmed Awgeedi oo halkaasi hadal kooban ka jeediyey waxa uu yidhi “Qolooyinkayagii hore Af Soomaali ayaanu ku Gabyi jirnay, laakinse maanta waxa dhacday in Farduus oo ah Inantii ugu horeysay eek u Gabeyda Af Ingiriisi, hore ayaan u sheegay in Gabdhuhu ka fariidsan yihiin wiilasha”

Abwaan Cabdi Maxamuud Aamiin oo halkaasi ka hadlay ayaa waxa uu ku hanbalyeeyey talaabada ay qaaday Farduus, isla markaana waxa uu ku canaantay Abwaanada da’ada yar iyo kuwa heesa maanta inay Jaceylkii ku Koobeen nin iyo GabadhWaxaanu yidhi “Maanta Waxa heeso baxaya oodhan waxay ku soo bandhigeen nin Gabadh daba ordaya iyo Gabadh nin daba ordeysa, waxaan leeyahay Jacaylku intaa kuu ka balaadhan yahay “Noloshu waa jacayl, Jacaylkuna waa nolol””.

“Marbaan hadlay oo aan idhi: Waxaan jececlay Nafta, hadana waan dhimanayaa, waxaan jecelay Uduga Ubaxa, waxaan jecelay Islaanteyda ee Oorideyda ah”.

Farduus Siciid dirir oo dhalatay 1989, da-deeduna tahay 18jir. ayaa noqonaysaa Inantii Ugu horeysay ee luuqada Afka ingiriisiga ah ku samaysa 80 gabay, soona bandhigtay lix Gabay oo ka mid ah, kuwa ay ku tirisay afka tirisay Afka Ingiriisiga ah.
 

Shiine Cilmi Kaahin - Hargeisa.
sirshiine@yahoo.com.
Mobile Phone: 00252 2 4429044