Afhayeenka beelaha Hawiye Nabadoon Axmed Diiriye Cali

Afhayeenka dhinaca Siyaasada ee beelaha Hawiye Cabdilaahi Sheekh Xasan.

Gudoomiyaha ururka New S.Y.L Cawaale

Sheekh Xasan Daahir Aweys oo ka mid ah Mas'uuliyiinta Isbaheysiga dib u Xoreynta Soomaaliya ayaa dowlada baqortooyada Sacuudi Carabiya uga digay in ay taageerto hishiiskii dhawaan ay kuwada saxixdeen dalka Jabuuti ee dhaxmaray dowlada KMG iyo isbaheysiga dib u Xoreynta Soomaaliya.

"Waanu jecelnahay Baqortooyada Sacuudi Carabiya laakin waxa aan ka dooneynaa in ay la socoto arimaha khiyaanooyinka qaar oo aan aheyn kuwo dhab ah ayuu yiri sheek Xasan Daahir oo qadka telefanka ugu waramay wakaalada Wararka AFP isagoo ku sugan magaalada Asmara ee xarunta wadanka Eritrea .

Sheekh Xasan Daahir aweyes waxaa kaloo uu sheegay in dowlada Sacuudi looga baahanyahay in iyagu ay qabtaan hanaan dib u hishiisiineed ay u dhanyihiin Soomaalida oo dhan taa soo nabad u keeni karta dalka Soomaaliya si looga hortago dhibaatada ka jirta dalka Soomaaliya.

Sidoo kale sacuudi Carabiya waa dad daacad ah oo dadka Soomaalida ah ay isdadka Saku dhaw yihiin xaga dabeecada ayuu tilmaamay Sheekh Xasan Daahir.

Boqorka dalka Sacuudi Carabiya Boqor Cabdalla ayaa soo dhaweeyay hishiiskii dhawaan dalka jabuuti ay ku gaareen dowlada KMG iyo isbaheysiga dib u Xoreynta Soomaaliya iyadoo la filayo in dalka Sacuudi Carabiya uu ka dhaco Xaflad lagu saxiixayo hishiiskii lagu gaaray dalka Jabuuti.

Hishiiskii dalka Jabuuti waxaa qaadacay qaar ka mid ah isbaheysiga oo uu ka mid yahay Sheekh Xasan Daahir aweys oo uu ku tilmaay hishiiskasi in uusan qeexeynin bixitanka Ciidamada Ethiopia.