Qaar ka mid ah ganacsatada degmada Dharkeynleey ayaa waxa ay sheegeen in maamulka degmadaasi uu ku maray in goobahooda ganacsi ay ka Rartaan halkasi.

Ganacsatada waxa ku iibisa wadada Dheer ee isku xirta isgoyska xoosh iyo Saldhig galbeed ee degmada Dharkenleey ee Gobolka Banaadir ayaa waxa ay sheegay in taliyaha ciidamada booliska ee saldhiga degmada Dharkeynleey uu ku maray in goobahooda ganacsi ay isaga halkaasi maadaama amaan darida ay dhawaanahan ku soo badatay halkasi.

Qaar ka mid ah ganacsatada degmada Dharkeynleey ayaa tilmaamay in saakay isaga guurayaan goobaha ku dhaw saldhiga Galbeed ee degmada Dharkenleey ka dib markii taliyaha saldhiga galbeed uu ku amray in ay isaga guuraan hadii aysan wax ka qaban Karin kooxo uu sheegay in ay ku soo dhax dhuuntaan,waxaana ganacsatada degmada ay sheegay tan iyo markii Ciidamada Cusub ay soo gaareen Saldhiga galbeed aysan ka jirin wax ganacsi ah halkaasi oo guud ahaan goobaha ganacsi lawada xiray.

Mid ka mid ah Ganastada degmada Dharkenleey oo shabelle u waramayay ayaa sheegay in ay ka raranayaan goobohooda ganacsi maadaama ay u gagasan waayeen sida ay sheegeen dhibaatooyika kala duwan ee kaga yimaada Ciidamada Dowlada KMG Soomaaliya.

Waxaa jira wadahadalo hoose oo u dhexeeya Ciidamada dowlada iyo Waxgaradka deegaankasi oo ku saleeysan sidii wax looga qaban lahaa amaanka iyo sidii dib loogu soo celin lahaa Ganacsigii horay u xirmay ee wadadaasi taasi oo aan laga war hayn sida ay saraakiisha ciidamada u ogolaan doonaan qorshahaasi.

Tani iyo wixii ka danabeeyay markii ciidamada dowlada Gaar ahaan kuwa lagu soo tababaray dalka Ethiopia ay fariisin ka sameeysteen saldhiga galbeed ee degmada Dharkeenleey ayaa waxaa guud ahaan xirmay goobihii ganacsi ee ku yaalay inta u dhexeeysa saldhiga iyo deegaanka xoosh ee degmada Dharkeenleey ee gobolka Banaadir.