june ,25.2008 (HawiyeNews.com)

Qarax loo adeegsaday Bamka gacanta laga tuuro ayaa waxaa maanta gudaha magaalada Baladweyne loogu geeystay Ciidamada Ethiopia ee ku sugan gudaha magaaladaasi.

Kooxo hubeeysan ayaa barqanimadii maanta Bamgameed ku weeraray kolanyo ciidamada Ethiopianka oo ku sii jeeday fariintooda buurta Janta Kun dishe xili ay illaalo ka hayeen Booyad biyo uga dhaamineeysay ceel biyood ku yaala gudaha magaalada Baladweyne.

Bamkani iyo rasaas ay fureen ciidamada Ethiopianka ayaa waxaa uu ahaa mid si weyn looga maqlayay Gudaha magaalada Baladweyne waloow uusan wax qasare ah geeysan.

Ciidamada Ethiopianka ayaa waxaa ay qaraxaasi kadib qab qabteen 5 dhalinyaro ah kuwaasi oo ay ku tuhmayeen in ay ka danbeeyaan qaraxasi waxaana ay ula dhaqaaqeen fariisinkooda burta Janta un dishe ee duleedka Bari ee magaalada Baladweyne.

Dad goobjoogayaal ah ayaa waxaa ay saxaafada  u sheegeen in ay arkayeen ciidamada Ethiopianka ah oo qoriga baadkiisa ku garaacaya dhalinyaradasi oo ay indhaha ka xireen isla markaana ay qaarkood rasaas ay ciimadasi wateen ku xamaasheen.

Qaraxani ayaa waxaa uu noqonayaa kii 2aad mudo 24 saac gudahood lala eegto ciidamada Ethiopianka ee ku sugan gudaha Baladweyne waxaana qarxii shalay uu geeystay dhimasho iyo dhawac soo gaaray dad rayid ah,waxaana weli ciidamada Ethiopianka gacantooda ku jira nin rayid ah oo ay shalay qabteen.

Qaraxyada iyo weerarada lala eeganayo ciidamada Ethiopianka ayaa maalmihii ugu danbeeyay waxaa ay noqdeen kuwa soo badanaya tan iyo wixii ka danbeeyay markii ciidamada Ethiopianka ay ka guureen Fariisin ay ku lahaayeen Gudaha .

Email: hawiyenews@gmail.com