june ,28.2008 (HawiyeNews.com)

Ciidamada dalka Ethiopia ee fariisinka ku lahaa Buurta Janta Kundishe oo ku taala duleedka magaalada Baladweyne ee gobolka Hiiraan kuwaasi oo isaga guuray fariisinkii ay ku lahaayeen halkaasi.

Ciidamada fariisinka ku lahaa buurta janta kundishe ayaa lagu soo waramayaa in xalay saqdii dhexe ay ka guureen halkaasi iyagoo qabtay dhinaca degmada Feer Feer ee xuduuda la leh dalka Ethiopia, iyadoo saakayna ciidamadaasi ay ka gudbeen Deegaanka Jawiil ee gobolka Hiiraan.

Lama oga ujeedada ka danbeysa ka bixitaanka ciidamadan ay ugu baxeen Buurta Janta Kundishe halkaasi oo ay ka kontorooli jireen gaadiidka iyo dadka galaya magaalada Baladweyne oo kooxaha ka soo horjeeda ay bartilmaameed ka dhigteen mudooyinkan danbe ciidamada Ethiopia ee adeega u doonta gudaha magaalada Baladweyne.

Shalay iyo Doraat ayaa qaraxyo nooca gacanta laga tuuro lagu weeraray baayado ciidamada Ethiopiaka ay leeyihiin kuwaasi oo biyo ka dhaaminayey gudaha magaalada Baladweyne ee gobolka Hiiraan

Email: hawiyenews@gmail.com