Ciidamada dowlada KMG Soomaaliya ee dhawaan lagu soo tababaray dalka Ethiopia ayaa maanta ku faafay qeeybo ka mid ah degmada Huriwaa ee gobolka Banaadir gaar ahaan suuqa Huriwaa waxaana guud ahaa hakad uu ku yimid isku socodka Ganacisga ee suuqaasi dhanka kale rasaas ay fureen ciidamada dowlada ayaa waxaa ku dhawacmay dad rayid ah.

Ciidamadani oo saaka ka soo ruqaansaday fariisinka ay ku leeyihiin Warshada Xeyle Barise ee degmada Huriwaa waxaana ay ciidamadasi ku fideen Wadada laamiga ah ee gasha suuqa Huriwaa halkaasi oo ay ka bilaabeen howlgalo waxaana ay ciidamadaasi ridayeen rasaas fara badan marka ay galayeen suuqaasi waxaana rasaasta ay fureen ku dhawacmay qof rayid ah oo ku sugnaa halkaasi.

Mid ka mid ah dadka degaanka ayaa waxa Hawiye Neys  uga waramay xaalada sida ay tahay waxaana uu sheegay in ciidamadani ay soo gaareen suuqa isla markaana ay goor dhow dib ugu laabteen fariisimihii ay markii hore ka soo ruuqaansadeen waxaana uu intaa ku daray gobjoogahaasi in rasaas ay fureen ciidmada uu ku dhaawacmay qof rayid ah kaasi oo dhawaciisa loo qaaday cusbitaalada Muqdisho mid ka mid ah.

In kastoo ciidamada dhawaan lagu soo tababaray dalka Ethiopia ay maanta ku sugnaayeen laamiga hareerihiisa iyo Wadooyinka gala suuqa Huriwaa isla markaana aysan wax howlgal ah sameeyn ayaa hadana Afhayeenka Ciidamadasi Daahira Max'ed Xersi waxaa uu sheegay in ciidamada ay dhaqdhaqaaqoodu uu ahaa mid ay ku howlgalayeen waxaana uu sheegay in qorshaha uu ugu jiro in ay  howlgalo balaaran ka sameynaa magaalada Muqdisho oo dhan marka laga reebo suuqa Bakaaraha.

Xaalada Deegaanka Suuqa Huriwaa ayaa degan kadib markii ciidamada dowlada ee dhawaan lagu soo tababaray dalka Ethiopia ay dib ugu soo labteen fariisimihii ay ka ruuqaansadeen saaka ee ahaayed dhismaha Xeyle Bariise.

 Email: hawiyenews@gmail.com