june ,29.2008 (HawiyeNews.com)
 
 
Qarax xoogan ayaa waxaa goor dhoweyd Wadada 21 October ku qabsaday Gaari yar oo dad rayid ah saarnaayeen, iyadoona qaraxa uu ahaa Nuuca Miinada dhulka hoostiisa la geliyo.

Qaraxan oo ahaa mid aad u xooganaa ayaa warar kala duwan ay ka soo baxayaan, iyadoona gaariga ay Miinada la kacday uu ahaa gaari nuuca raaxada ah

Ilaa iyo hadda war lagama haayo tirada rasmiga ee ku dhimatay qaraxan oo lala helay gaari yar oo dad rayid ah saarnaayeen sida ay ku soo waramayaan dad goobjoogayaal ah oo ku sugan wadada 21 October ee degmada Waaberi ee gobolka Banaadir.

Qaraxani oo laga maqlay qeybaha kala duwan ee magaalada Muqdisho ayaa waxaa uu ku qaraxay gaari Corollo ah oo ay saarnaayeen dad rayid ah kaasi oo la sheegay in dad ay ku dhaawacmeen walow wararka qaar ay sheegayaan in dhimasho ay jiraan taasi oo aan la shegi karin inta ay la eg tahay.

Wararka ayaa sheegaya in Qaraxan lala doonayay gaari ay wateen Ciidamada Dowladda Soomaaliya balse daqiiqad ka hor markii gaariga gudbay uu la kacay gaarigaas yar ee dadka rayidka saarnaa.

Muddo haatan laga joogo dhowr bilood ayaa Gaari ay saarnaayeen dadka ka Ganacsada qaadka waxaa helay Miino wadadaas la geliyay waxaana ku dhintay in ka badan 13 ruux oo u badan Dumar.

 

Email: hawiyenews@gmail.com