Madaxweynaha dalka Iran Maxamuud Axmedi Najad ayaa dhibaatada baahsan ee ka jirta dalka Soomaaliya ku eedeyay dalal waaweyn oo uu sheegay inay ku lug leeyihiin .

Madaxweyne Najad oo Furitaanka shirkii 15aad ee wadamada dhexdhexaadka ka hadlay ayaa tibaaxay in xaaladaha ka aloosan dalalka Soomaaliya,Afganistan,Ciraaq,Falastiin iyo Suudaan ay yihiin kuwa laga shaqeeyay,oo ay maleegeen dalal uu ka gaabsaday inuu magacaabo.

Dowladaha waaweyn ee Caalamka waxay ku tartamayaan Kheyraadka Wadamada waaweyn, waxaana ka mida dalalka Kheyraadkooda la rabo Sudan iyo Soomaaliya" ayuu yiri Maxmuud Axmad Najaad oo ugu baaqay wasiirada Arrimaha Dibadda ee dalalka dhexdhexaadka ah inay qaataan mas’uuliyadda sidii lagu soo afjari lahaa dhibaatooyinka haysta wadamada Soomaaliya, Filistiin , Afghanistan iyo Ciraaq.

Madaxweynaha dalka Iran ayaa sidoo kale ka hadlay eedeynta loo soo jeediyey Madaxweynaha dalka Suudaan, wuxuuna sheegay inuu qaraarkaasi yahay mid aan waxba ka jirin oo ku xadgudbaya qawaaniinta Caalamiga.
 

 Email: hawiyenews@gmail.com